Phín-î ê kì-lo̍k khong-kan品怡的紀錄空間

        雙語冊ê意義是講雙語ê讀寫能力予囡仔會當通向文化多元而且豐富ê學習圖書語言ê功效，所以為著欲促進咱弱勢語言和強勢語言ê和平作伙，才會有「雙語冊」這ê名詞出現，演講ê時陣按台東大學台文所、華文系來ê教授：張學謙，就佇簡報內底講著一ê予我印象誠深ê形容，台灣有三種母語：台語、客語、原住民語。張學謙教授比喻台灣ê母語目前全部攏破病住院，台語開始佇咧「掛號」，客語佇「急診室」急救，原住民語已經住佇「加護病房」矣，過去台灣ê教育和咱講愛學好華語，袂使凊彩講台語，聽老師講以前的時代甚至講台語會予老師處罰，實在是無法度想像！佇彼號戒嚴ê時期，會使講咱台灣ê教育屠殺咱原本ê母語，政府ê政策予學校老師變成母語ê殺手，全世界因為資訊傳播愈來愈方便，電腦普遍、四界攏有網路，為著傳遞資訊，統一語言敢若是一ê無法度避免ê結果，以前ê觀念認為，語言學習是＂隨人獨立＂的，抑就是兩種語言，袂使同齊學習，講按呢會影響大腦學習語言，變做會互相干擾ê意思，就譬喻講華語和英語，有人就提倡全英語教學ê方式，上課不應該翻譯，此理論影響之大，如今，語言保存狀況已經有９０％死亡，實在沒譀古！

        其實教授有講到，語言ê學習應該是互補互助，這包括＂學習轉移＂ê理論，意思和＂隨人獨立＂對反，是講兩種語言做陣學習應該會使學閣較好，因為每一ê語言攏有相仝ê所在，學愈多會愈有心得，咱應該保護咱ê文化資產，傳承每一ê語言，因為遮攏是咱ê祖先智慧！