咱咧講ê崩世代代表ê是一的ê多重負債ê未來，咱到底是負了啥物債咧？聽老師佇台頂講ê，台灣ê崩世代有三大負債，包括第一ê工作散赤ê負債，第二ê是財政惡化ê負債，第三ê人口老化ê負債。
頭一ê是工作散赤：有人愈打拚生活煞愈辛苦，少年人一出社會就注定無真濟ê薪水，逐家攏講努力會當成功，毌過真正成功ê人煞真少，為啥物咧？因為勞工頂懸猶有一ê財團佇控制，這社會好額人繼續好額，散赤人煞可能參明仔載攏看無，好額人和散赤人ê差距愈來愈大，親像這馬路上由在你揀一ê少年，攏至少有大學畢業ê程度，普遍高學歷出社會卻煞無錢、薪水少，可能猶有背著以前學校一大堆學費。有句話我誠有印象，講演ê老師講：咱按細漢入國小後，老師和父母攏教咱，免問遮爾仔多，免知影遮爾多，只要讀冊就對了，猶毋過等咱大漢真正出社會了後，煞怪阮為啥物你啥物攏袂曉！
第二ê是財政ê惡化，台灣是有一ê自由經濟ê制度，看起來應該是真和平而且功名ê，毋過抑是有人生活過了辛苦、有人輕鬆，因為自由，逐家愛靠自己ê力量peh去，毋過強勢ê財團有一套ＳＯＰ（標準作業流程），財團會使利用in ê 勢力培養出in 可以使用ê人才，控制愈多，in ê 力量就愈大。現時若愛解救咱ê社會、解救崩世代，咱需要ê是公平ê稅制，猶有合理ê勞動分配，予好額人負擔較多ê稅租，散赤人就對反過來。
紲落去是人口老化ê問題，醫學進步，人欲死煞卻沒簡單，一ê欲過世ê身軀靠機器佇揵彼口氣，真浪費醫療資源，雖然講按呢真歹聽，毋過假使一ê人欲走為何沒愛走一ê爽快咧?閣加上老人愈多，政府為著照顧遮爾濟老人，必須設置閣較濟ê老人機關，無形中造成人民ê負擔，因為遮的機構用ê攏是人民ê納稅錢，設置愈濟負擔愈大，台灣背ê負債就愈背愈濟，演講者口中ê崩世代就來咧。
欲解決問題老師提出了幾ê解決方法:企業和好額ê老闆愛提高予工人ê基本合理薪水，政府方面愛減少無適合政策ê支出，等人有錢，政府嘛有錢，了後才開始規劃一套長期ê照顧系統，予人民由出生到死亡、教育等等，攏有一套系統支持，按呢就會當解決負債ê問題，提高消費ê能力，擴大經濟效益，減慢人口老化ê問題嘛會使增加勞動人口，一旦完成，台灣將更加進步!
留言列表
