Phín-î ê kì-lo̍k khong-kan品怡的紀錄空間

 
 

術語解說
• 主語：語句中的主詞(主/被動)，語句的主體

2025.05.14
～四維本土語教師共備社群講座上尾場～
今仔日邀請著淑昭老師來四維講台語教學佮設計主題。
老師拄開始就先分享伊家己上愛的教學工具「九宮格」，加上用海洋生物、台語語詞的造詞規則、翻譯的眉角⋯等等的專業智識來予現場老師認捌台語嘛會當真心識、趣味，飽滇閣無藏步的分享，確實收穫真濟。
講座到下晡五點才結束，教室內老師數量顛倒是愈來愈濟，本來偷偷共我講可能後面有代誌需要離開的老師，後來無一位離開，坐教室後面毋是仝領域的導師嘛聽甲誠認真，原成講欲趁下晡改簿仔本的攏無改了，就會當知影老師講座有偌精彩！
上尾仔猶是愛再次感謝淑昭老師，雖罔老師人無爽快，猶是堅持共來宣講，果然是我熟識上拚命、熱情、認真的台語老師，愛保重身體啦。

113傳藝go young 校園巡演
指導單位：文化部  教育部
補助單位：國立傳統藝術中心
第八場 高雄市四維國小～
 

 

好用網站連結請點遮TaigiTube 台語水管
 

 
 

http://tts001.iptcloud.net:8804/
 

兩工邀請著的講師演講攏真精彩，講著民俗、文化、文學、唸歌、創作....等等的內容，閣加實際表演、創作，智識內容飽滇，學習著真濟。
這擺營隊有分組，我和一陣古錐的少年家共事編劇本，上細漢的組員拄國中畢業爾爾，第二細漢的高一，第三細漢的猶無三十歲，平常時仔若我家己咧參加台語的教師研習，我定定攏是團隊內底上少年的，結果佇這擺的營隊內底，我顛倒是阮這組上老的。
兩工的營隊內底，我深刻感受著熱情、青春kah活力，這種感受平常時仔是真罕得有的（和佮國小囡仔做伙的感受無仝），落尾共編的劇本真趣味，原則上共阮這兩工營隊學著的物件，會當參的、加的，攏總濫濫入去矣，演出的效果就親像台語的讀者劇場仝款。
營隊彼工結束了後，閣走去大稻埕城隍廟看熱鬧(暗訪)，轉去高雄已經是半瞑仔三點，隔轉工拜一閣愛上班，是有較忝，毋過我忝甲真甘願🥰

教育部台語辭典目前使用的查詢方式是以 REGEX 的理路來寫，步驟如下
 
臺羅拼音查詢注意事項
比對的對象為臺羅數字版，第1、4聲也須完整寫出（如：sai1、iat4）。使用正規表達式查詢時，若需要在表達式中包含該音節的末尾，則必須將聲調數字包含在內。