Phín-î ê kì-lo̍k khong-kan品怡的紀錄空間

2025.06.13、21｜行動歌仔・上青出發！
這擺真感謝南方薪傳歌劇團入校演出，兩位趣味的前場老師，閣加上團長的專業後場，氣氛鬧熱、囡仔看甲笑咍咍。
頭起先干焦想講申請來予共我教的班報名，後來想想咧，決定用訓育的名義申請，活動擴展到予全部五年級的學生參加（大約欲500人左右）。
劇團來演出進前我有共學生問：「恁捌看過歌仔戲無？」
真濟人回應：「無呢！」
對in來講，這是頭一擺接觸歌仔戲。
用台語講故事，唱戲文，
閣吸引著幾若組學生上台唱戲~參加比賽，
予囡仔看、聽、感受著咱台灣傳統文化的魅力!
順利，成功，歡喜

臺南台語月結合傳統音樂
用台語做伙耍～今仔日應該招待超過一百組的親子家庭
有大人、囡仔、老人
閣有邀請未來欲做台語老師的二專長班學生來參與走關了的獎品猶閣袂䆀

南管音樂｜傳統藝術入校再+1
這學期，接續布袋戲、歌仔戲之後，
何其榮幸邀請到鳳燁樂府的老師入校，
教小朋友南管戲曲音樂。
雖然我這學期借調去教育局服務，
在學校已經無半節課，
好在同事相挺，都很願意協助幫忙，
也很感謝鳳山社大的同仁鼎立媒合雙方，
活動才會順順利利辦起來，
內心真是感謝。
這次課程，除了音樂本身，還有就是南管的語言。
南管都是講泉腔台語，做戲時會很明顯聽到保留下來的「央元音」ir、er特色，這跟我們平常的台語有非常大的差別。
老師為配合本土語課，也特別講了幾個泉腔台語獨有的趣味語音、詞語特色，讓現場老師跟小朋友都大開眼界。
而透過這次合作這次課程也才恍然發現：
南管的行當，除了常見的生、旦、丑、末……等外，竟然還有一個行當叫做 「貼」。
就是主角身邊的貼身丫鬟／侍者，往往是劇情裡最重要的牽線人，像《陳三五娘》裡的 益春，就是典型的「貼」。
覺得好趣味，
也覺得自己好像在慢慢湊齊一套傳統藝術拼圖一樣……慢慢解鎖中

2025.05.14
～四維本土語教師共備社群講座上尾場～
今仔日邀請著淑昭老師來四維講台語教學佮設計主題。
老師拄開始就先分享伊家己上愛的教學工具「九宮格」，加上用海洋生物、台語語詞的造詞規則、翻譯的眉角⋯等等的專業智識來予現場老師認捌台語嘛會當真心識、趣味，飽滇閣無藏步的分享，確實收穫真濟。
講座到下晡五點才結束，教室內老師數量顛倒是愈來愈濟，本來偷偷共我講可能後面有代誌需要離開的老師，後來無一位離開，坐教室後面毋是仝領域的導師嘛聽甲誠認真，原成講欲趁下晡改簿仔本的攏無改了，就會當知影老師講座有偌精彩！
上尾仔猶是愛再次感謝淑昭老師，雖罔老師人無爽快，猶是堅持共來宣講，果然是我熟識上拚命、熱情、認真的台語老師，愛保重身體啦。

113傳藝go young 校園巡演
指導單位：文化部  教育部
補助單位：國立傳統藝術中心
第八場 高雄市四維國小～
 

 

兩工邀請著的講師演講攏真精彩，講著民俗、文化、文學、唸歌、創作....等等的內容，閣加實際表演、創作，智識內容飽滇，學習著真濟。
這擺營隊有分組，我和一陣古錐的少年家共事編劇本，上細漢的組員拄國中畢業爾爾，第二細漢的高一，第三細漢的猶無三十歲，平常時仔若我家己咧參加台語的教師研習，我定定攏是團隊內底上少年的，結果佇這擺的營隊內底，我顛倒是阮這組上老的。
兩工的營隊內底，我深刻感受著熱情、青春kah活力，這種感受平常時仔是真罕得有的（和佮國小囡仔做伙的感受無仝），落尾共編的劇本真趣味，原則上共阮這兩工營隊學著的物件，會當參的、加的，攏總濫濫入去矣，演出的效果就親像台語的讀者劇場仝款。
營隊彼工結束了後，閣走去大稻埕城隍廟看熱鬧(暗訪)，轉去高雄已經是半瞑仔三點，隔轉工拜一閣愛上班，是有較忝，毋過我忝甲真甘願🥰

2024.12.11 和四維本土語教師伴 做伙去公共電視台語台南部中心參訪
 

2024.11.6

上緣投、用心的 廖啟助 老師宣講

參與的毋但教師社群的伴爾爾

猶閣有別間學校的教支

學校內的家長志工

閣有學生來參加哦！
------------------------------------------------------
113學年第一學期四維國小台語意識培力講座報名
@時間：１１／６（三）14:00~15:00
@地點：四維國小(高雄市苓雅區青年一路103號)四維樓５Ｆ視聽教室
＠講師：廖啟助(教育部本土語意識培力講師)
現場有準備簡單茶水，邀請有閒、有意願參加的老師、同仁、家長、志工，先填表單報名，表單統計到11/5(二)放學多謝。
本宣講無提供公假公文、研習時數證明，純粹 愛台語的心 佮熱情, 請諒解。
報名連結：https://forms.gle/CikaQmbe2UXK9zGn8
--以上講座由四維國小教師專業學習社群乙類本土語文教師共備精進社群經費支應