Phín-î ê kì-lo̍k khong-kan品怡的紀錄空間

開學頭一週應該愛來一寡特別的。
初任教師，班級經營真重要，所以我參考別的老師的資料，做一个台語版的神奇寶貝集點卡。

集點卡分落去予學生的時陣，隨有一位學生攑手問
：「為啥物無’’快龍’’？」
：「哪有人一開始做神奇寶貝訓練師就會當掠快龍的？」
我反問學生。
（我本來掠準會問講：若會無超夢咧ＸＤ）

：「若是欲掠神獸就愛做一寡特別的好代誌才有法度提著，比如講參加一寡本土語言的比賽得名啊...等等」
我開始唌(siânn引誘的意思)學生...
------------

用這个方式除了提高學生的興趣，嘛會當順煞學一寡台語詞。
比如講編號001的「妙娃種子」是咱華語的講的「青蛙」。
「青蛙」台語欲按怎講？
有學生真巧隨看集點卡回答「水雞！」
：除了水雞嘛有人共「青蛙」號做四跤仔喔！
我那講那補充予學生認捌一寡動物名詞。

真正是一兼二顧，摸蜊仔兼洗褲的集點卡😂。


華語版：
開學第一週應該來一些特別的。
初任教師，班級經營很重要，所以我參考別的老師的資料，做了一個台語版的神奇寶貝集點卡。
集點卡發下去給學生的時候，馬上有一位學生舉手問我
：為什麼沒有快龍？
：哪有人一開始做神奇寶貝訓練師就可以抓快龍的？」
我反問學生。
(我本來以為會問說:怎麼沒有超夢之類的XD)
：若是想要抓神獸就要做一些比較特別的好事情，比如說參加本土語的比賽得名啊．．等等」
我開始引誘學生

用這個方式除了提高學生的興趣，也可以讓他們順便學一些台語詞彙。
比如說編號001的妙娃種子是我們華語在說的青蛙
青蛙台語要怎麼說?
有學生很聰明馬上看集點卡後回答「水雞!」
:除了水雞之外也有人把青蛙叫做「四跤仔」喔！
我邊講邊補充讓學生認識一些動物的名詞。

真是一個一舉兩得的集點卡😂。

參考網址：http://caroline-efl.blogspot.tw/2016/08/blog-post_19.html