Phín-î ê kì-lo̍k khong-kan品怡的紀錄空間

一个用來練習台語聽寫ê工具。

提來練習考試、認證攏真好，內底閣有分兩種羅馬字系統，分別是POJ 台語白話字、TL 台羅拼音（教育部）。

揤「開始」以後就會開始唸 5 个台語詞。每一个詞會唸 3 擺。全部唸了會顯示答案。

若是練習過程中想欲暫停，會使隨時揤紅色按鈕 「莫閣唸矣」系統就會停止放送音檔。

練習了後，會當隨看著頭拄才放送音檔的音標和漢字，若是對聽寫的語詞有疑問，嘛會當直接點入去字典內底查意思。

網站本身的設計對想欲練習認證抑是字音字形的人攏真方便，毋過使用起來猶原有幾个所在若會當改善會閣較完整。

第一就是語詞設定困難度，比論講共語詞造教育部認證聽寫拼音來分作「初級」、「中級」、「專業級」，予無仝程度个使用者會當練習著適合𪜶家己程度个語詞會閣較好，目前練習起來感覺是對台語讀寫的初學者來講是較友善的學習網站，若是對已經長期有咧練習字音型的人抑是欲練較中高級的人來講可能小可仔偏簡單。

第二就是練習了咧查字典的時陣，連結是到萌典，萌典的特色就是說明簡單、清楚，缺點就是干焦有說明意思，無例句會當參考，是較可惜的所在。

當然，除了以上兩點待改善，網站本身的設計對無參加過認證抑是想欲練習台語讀寫的人，攏是真好的學習資源。

想欲練習的人會當點遮→ Tâi-gí thiaⁿ-siá liān-si̍p 台語聽寫練習 (miau715.github.io)