Phín-î ê kì-lo̍k khong-kan品怡的紀錄空間

高潛力加後勁強的職業店長

　　服務業上熱門ê工作就是店長。沒店長就沒法度開店。尤其2012年是服務業「黃金十年」ê開端，統一超商為著欲擴大規模，也想欲開始揣適合做店長ê人才。

 　　店長ê需求量真大，抑毋過想欲把店長ê職務做好，並沒簡單，伊擔負ê責任掌握一間店ê成敗。毋管是做飲料ê、開餐廳ê，做店長ê基本工作內容就包括成本管理、團隊建立、顧客ê服務。店長ê角色就參像是一間中小企業ê執行長，需要ê是各方面能力ê整合，哪是未來想欲創業，成為一名店長就等於是上了一ê創業ê課。

　　永慶房屋事業總經理葉凌棋用家己ê經驗分享乎咱聽，伊講擔任店長ê時陣是伊能力和眼界成長上緊ê階段。因此，伊建議，就算企業沒想欲乎你機會，你家己嘛愛拚命夯手去爭取店長ê職務。

　　有人因為擔任店長ê職務，乎伊本來閉思、毋敢和別人講話ê個性消失，顛倒變成甲意和人客開講，加了真濟朋友。毋過，想欲擔任店長進前，咱社會中ê少年人愛有一ê認知就是:店長ê職務毋是訓練一睏仔就會使做，沒論經驗、年歲，攏必須對基層店員開始做起，逐日面對單純ê工作。真濟少年人定定有「腰向袂落去」ê毛病，認為「大學畢業生」做這寡工作真見笑，抑是想欲一步登天，定定因此放棄、失敗。

　　店長主導規間店ê成敗，工作內容會使獨當一面，有家己ê舞台，和一寡上班族ê工作比起來，是真沒相仝。有興趣ê少年人會使對店員開始做起，只要做超過半年ê適應期了後，就會使獨當一面成為店長。

參考資料來源:CHEERS雜誌 101年3月15日出版刊