- Apr 17 Tue 2012 00:07
「作業5：台灣社會ê台語書寫-<ATA100141>」
- Apr 09 Mon 2012 23:19
「作業4：做伙來寫雙語冊：雙文讀寫的教育意義心得分享-<ATA100141> 」。
雙語冊ê意義是講雙語ê讀寫能力予囡仔會當通向文化多元而且豐富ê學習圖書語言ê功效，所以為著欲促進咱弱勢語言和強勢語言ê和平作伙，才會有「雙語冊」這ê名詞出現，演講ê時陣按台東大學台文所、華文系來ê教授：張學謙，就佇簡報內底講著一ê予我印象誠深ê形容，台灣有三種母語：台語、客語、原住民語。張學謙教授比喻台灣ê母語目前全部攏破病住院，台語開始佇咧「掛號」，客語佇「急診室」急救，原住民語已經住佇「加護病房」矣，過去台灣ê教育和咱講愛學好華語，袂使凊彩講台語，聽老師講以前的時代甚至講台語會予老師處罰，實在是無法度想像！佇彼號戒嚴ê時期，會使講咱台灣ê教育屠殺咱原本ê母語，政府ê政策予學校老師變成母語ê殺手，全世界因為資訊傳播愈來愈方便，電腦普遍、四界攏有網路，為著傳遞資訊，統一語言敢若是一ê無法度避免ê結果，以前ê觀念認為，語言學習是＂隨人獨立＂的，抑就是兩種語言，袂使同齊學習，講按呢會影響大腦學習語言，變做會互相干擾ê意思，就譬喻講華語和英語，有人就提倡全英語教學ê方式，上課不應該翻譯，此理論影響之大，如今，語言保存狀況已經有９０％死亡，實在沒譀古！
- Mar 20 Tue 2012 00:47
「作業3：崩世代座談會感想-，<ATA100141> 」。
咱咧講ê崩世代代表ê是一的ê多重負債ê未來，咱到底是負了啥物債咧？聽老師佇台頂講ê，台灣ê崩世代有三大負債，包括第一ê工作散赤ê負債，第二ê是財政惡化ê負債，第三ê人口老化ê負債。
頭一ê是工作散赤：有人愈打拚生活煞愈辛苦，少年人一出社會就注定無真濟ê薪水，逐家攏講努力會當成功，毌過真正成功ê人煞真少，為啥物咧？因為勞工頂懸猶有一ê財團佇控制，這社會好額人繼續好額，散赤人煞可能參明仔載攏看無，好額人和散赤人ê差距愈來愈大，親像這馬路上由在你揀一ê少年，攏至少有大學畢業ê程度，普遍高學歷出社會卻煞無錢、薪水少，可能猶有背著以前學校一大堆學費。有句話我誠有印象，講演ê老師講：咱按細漢入國小後，老師和父母攏教咱，免問遮爾仔多，免知影遮爾多，只要讀冊就對了，猶毋過等咱大漢真正出社會了後，煞怪阮為啥物你啥物攏袂曉！
- Feb 28 Tue 2012 21:29
「作業1：用信望愛台語輸入法拍出我ê名-<學號> <名姓> 」
